സലാല:മലർവാടി ബാലസംഘത്തിന്റെ ആഭിമുഖ്യത്തിൽ
സംഘടിപ്പിക്കപ്പെട്ട ബലോൽസവം കുട്ടികളിലും രക്ഷിതാക്കളിലും കാണികളിലും ഒരു പോലെ ആവേശത്തിരയിളക്കം
സൃഷ്ടിച്ചു. രാവിലെ 9 മണിക്ക് ദാരിസ്
പാർക്കിൽ ആരംഭിച്ച ബലോൽസവം ഇന്ത്യൻ എമ്പസി
കോൺസിലറും സലാല ഇന്ത്യൻ സോഷ്യൽ ക്ലബ് പ്രസഡന്റുമായ
മൻപ്രീത് സിംഗ് ഉദ്ഘാടനം ചെയ്തു. കവയത്രി ഫാത്തിമ ദോഫാർ കുട്ടികളോട് സംസാരിച്ചു .
ഐ, എം. ഐ. പ്രസിഡന്റ് കെ. ഷൗക്കത്തലി മാസ്റ്റർ അധ്യക്ഷത വഹിച്ചു . കിഡ്സ്, സബ്
ജൂനിയർ, ജൂനിയർ, സീനിയർ എന്നീ വിഭാഗങ്ങളിലായി എൽ.കെ. ജി. മുതൽ ഏഴാം ക്ലാസ് വരെയുള്ള
പെൺട്ടികളും ആൺക്കൂട്ടികളും മാറ്റുരച്ച
മൽസരങ്ങൾ കുട്ടികൾക്ക് നവോന്മേഷം പകരുന്നതും ആഹ്ലാദകരവുമായി.
കുട്ടികളുടെ ബുദ്ധിപരവും കായികവുമായ വളർച്ചക്ക് സഹായമാകുന്ന ഇൻസ്റ്റന്റ് സ്പീച്ച്, ട്രീ
ക്ലൈംബിംഗ്, റോപ് ക്ലൈംബിംഗ്, മെമ്മറി ടെസ്റ്റ്, മിറർ വാക്ക്, സിഗ് സാഗ് വാക്ക്
തുടങ്ങി വൈവിധ്യമാർന്ന 20 ഇനങ്ങളിൽ കുട്ടികൾ മൽസരിച്ചു. വിജയികൾക്കും പങ്കെടുത്ത
മുഴുവൻ വിദ്യാർത്ഥികൾക്കുമുള്ള സമ്മാന വിതരണം തുംറൈത്ത് ഇന്ത്യൻ സ്കൂൾ പ്രിൻസിപ്പൽ
പ്രമീള ഹരിദാസ്, നിസാർ (സലാല കോൾഡ് സ്റ്റോഴ്സ്) ദിനേശ് (തർജുമാൻ ബിൽഡിംഗ്
മറ്റീരിയൽസ്) സജി മാസ്റ്റർ എന്നിവർ നിർവഹിച്ചു. ഐ.എം.ഐ പ്രസിഡന്റ് ഷൗക്കത്തലി
മാസ്റ്റർ, മലർവാടി കോർഡിനേറ്റർമാരായ സലീൽ ബാബു, നൗഷാദ് മൂസ തുടങ്ങിയവർ നേതൃത്വം
നൽകി.
No comments:
Post a Comment